ශ්රී ලංකාවේ ආර්ථික අර්බුදය එක අයවැයක් තුළින් විසඳිය නොහැකි බවත් අර්බුදය අනුව විසඳුම් සෙවීමේ මාර්ග වෙනස් කළ යුතු බවත් ජනාධිපති රනිල් වික්රමසිංහ මහතා අවධාරණය කරනවා.
පළමුව රටේ ආර්ථිකය ස්ථාවර කිරීම සඳහා වූ වැඩපිළිවෙළ ක්රියාත්මක කර පසුව ආර්ථික ප්රතිසංස්කරණ සිදුකිරීම මඟින් ශක්තිමත් ආර්ථිකයක් ගොඩනැගිය හැකි බවයි ජනාධිපතිවරයා පෙන්වා දෙන්නේ.
ෂැංග්රිලා හෝටලයේ පැවැති කොළඹ විශ්වවිද්යාලයේ ව්යාපාර පරිපාලන පශ්චාත් උපාධිධාරී ආදි විද්යාර්ථයින්ගේ සංගමය විසින් සංවිධාන කළ ‘2024 අයවැය කතිකාවත‘ අමතමින් ජනාධිපතිවරයා මේ බව සඳහන් කළා.
එසේම වෙනස්වන පරිසරය තුළ වෙනස් වීම මඟින් අර්බුදයට සාර්ථක විසඳුම් සොයා ගත හැකි බවත් ශ්රී ලංකාවේ ආර්ථිකය ගොඩනැංවීමේදී ද එම ක්රමවේදය ඉතාම වැදගත් බවත් ජනාධිපතිවරයා වැඩිදුරටත් පවසා සිටියා.

