නිරිතදිග මෝසම සක්රීය වීම හේතුවෙන් දිවයිනේ නිරිතදිග කොටසේ පවතින වැසි තත්ත්වය තවදුරටත් බලාපොරොත්තු විය හැකි බව කාලගුණවිද්යා දෙපාර්තමේන්තුව නිවේදනය කරනවා.
ඒ අනුව බස්නාහිර, සබරගමුව යන පළාත්වලට සහ ගාල්ල, මාතර දිස්ත්රික්ක සඳහා තද වැසි පිළිබඳ අවවාදාත්මක නිවේදනයක් නිකුත් කර තිබෙන අතර එම ප්රදේශ වල ඇතැම් ස්ථාන වලට මිලිමීටර 100 ඉක්මවූ තද වැසි අපේක්ෂා කළ හැකි වනවා.
මේ හේතුවෙන් එම ප්රදේශ වල ජනතාවට විශේෂ සැලකිල්ලකින් යුතුව කටයුතු කරන ලෙසයි කාලගුණ විද්යා දෙපාර්තමේන්තුව දැනුම් දෙන්නේ.
අද උදෑසන 7.30න් අවසන් වූ පැය 24 තුළ වැඩිම වර්ෂාපතනය වූ මි.මී 101.5ක් කළුතර දිස්ත්රික්කයේ ඉංගිරිය ප්රදේශයෙන් වාර්තා වී තිබෙනවා.

