දේශපාලන පක්ෂ ප්‍රතිසංවිධානයට නව කොමිසමක්

දේශපාලන පක්ෂ ප්‍රතිසංවිධානය කිරීම සම්බන්ධයෙන් අදහස් ලබා ගැනීම සඳහා ඉදිරි සති දෙක තුළ නව කොමිසමක් පත් කිරීමට පියවර ගන්නා බව ජනාධිපති රනිල් වික්‍රමසිංහ මහතා පවසනවා.

දේශපාලන පක්ෂවල ඇති අඩුපාඩු තමා ද පිළිගන්නා බැවින් ඒවා සකස් විය යුතු ආකාරය පිළිබඳව ඕනෑම අයෙකුට මෙම කොමිසමට අදහස් ඉදිරිපත් කළ හැකි බවයි ජනාධිපතිවරයා සඳහන් කළේ.

එසේම මේ සඳහා ශිෂ්‍ය පාර්ලිමේන්තු වලින් ද අදහස් හා යෝජනා ලබා දිය හැකි බවත්, ඒ සඳහා උනන්දු වන ලෙස ශිෂ්‍ය ශිෂ්‍යාවන්ගෙන් ඉල්ලා සිටින බව ත් රත්නපුර සීවලී මාධ්‍ය විද්‍යාලයේ ශිෂ්‍ය පාර්ලමේන්තු සාමාජිකයන් සමඟ පවතී සාකච්ඡාවක දී ජනාධිපතිවරයා ප්‍රකාශ කර තිබෙනවා.