අ.පො.ස සාමාන්ය පෙළ විභාගය 10 වන ශ්රේණියේදීත් අ.පො.ස උසස් පෙළ විභාගය 12 වන ශ්රේණියේදීත් පැවැත්විය යුතු බවට පාර්ලිමේන්තු තේරීම් කාරක සභාව නිර්දේශ කර තිබෙනවා.
ශ්රී ලංකාවේ උසස් අධ්යාපන අවස්ථා පුළුල් කිරීමට සුදුසු නිර්දේශ ඉදිරිපත් කිරීම සඳහා වන පාර්ලිමේන්තු විශේෂ කාරක සහාවේ වාර්තාව නිකුත් කරමින් එහි සභාපති අධිකරණ අමාත්ය විජේදාස රාජපක්ෂ මහතා විසින් මේ බව සඳහන් කර තිබෙනවා.
එසේම අමාත්යවරයා පැවසුවේ විශ්වවිද්යාල ප්රතිපාදන කොමිෂන් සභාව සහ වෘත්තීය පුහුණු අධිකාරිය වෙනුවට ස්වාධීනව කටයුතු කරන උසස් අධ්යාපන කොමිෂන් සභාවක් පිහිටුවීමට උසස් අධ්යාපනය සංවර්ධනය වෙනුවෙන් පත්කරන ලද විශේෂ පාර්ලිමේන්තු තේරීම් කාරක සභාව නිර්දේශ කර ඇති බව යි.

