ජනාධිපති රනිල් වික්රමසිංහ මහතා රට සංවර්ධනය කිරීම සඳහා ගෙනයන වැඩපිළිවෙලට අඛණ්ඩව සහාය ලබා දීමට ශ්රී ලංකා පොදුජන පෙරමුණ සිය එකඟත්වය පළ කර තිබෙනවා.
ආණ්ඩු පක්ෂය නියෝජනය කරන පක්ෂවල නායකයින් සහ ජනාධිපති රනිල් වික්රමසිංහ මහතා අතර ඊයේ පැවැත්වූ විශේෂ සාකච්ඡාවක දී එම එකඟතාව පළකර ඇති බව වාර්තා වෙනවා.
එම සාකච්ඡාව සඳහා අග්රාමාත්ය දිනේෂ් ගුණවර්ධන, ශ්රී ලංකා පොදුජන පෙරමුණේ ජාතික සංවිධායක බැසිල් රාජපක්ෂ, මහලේකම් සාගර කාරියවසම්, අමාත්ය ඩග්ලස් දේවානන්ද, අමාත්ය ජීවන් තොන්ඩමන් එක්සත් ජාතික පක්ෂ පාර්ලිමේන්තු මන්ත්රී වජිර අබේවර්ධන සහ පාර්ලිමේන්තු මන්ත්රී ඒ.එල්.එම්.අතාවුල්ලා ඇතුළු මන්ත්රීවරුන් පිරිසක් සහභාගී වී තිබෙනවා.

