ඩෙංගු මරණ සංඛ්‍යාව 68ක් දක්වා ඉහළට

මෙරටින් වාර්තා වන ඩෙංගු මරණ සංඛ්‍යාව 68ක් දක්වා ඉහළ ගොස් තිබෙනවා.

ජාතික ඩෙංගු මර්දන ඒකකය නිකුත් කළ නවතම දත්තවලට අනුව වසරේ මේ දක්වා සමස්ත ඩෙංගු රෝගීන් 91,059 දෙනෙකු හඳුනාගෙන ඇත.

වාර්තා වී ඇති සමස්ත රෝගීන්ගෙන් 52.98%ක්ම, එනම් රෝගීන් 48,244 දෙනෙකු බස්නාහිර පළාතෙන් හඳුනාගෙන තිබේ. 

දිස්ත්‍රික් මට්ටමින් වැඩිම බලපෑමක් එල්ල වී ඇත්තේ ගම්පහ දිස්ත්‍රික්කයට වන අතර රෝගීන් 19,406ක් (21.31%) වාර්තා වී ඇත.

කොළඹ දිස්ත්‍රික්කයෙන් රෝගීන් 18,101ක් (19.88%) සහ මහනුවර දිස්ත්‍රික්කයෙන් රෝගීන් 6,491ක් (7.13%) හඳුනාගෙන ඇත. 

මේ අතර අගෝස්තු මාසයේ ගතවූ දින කිහිපය තුළ පමණක් රෝගීන් 5,714 දෙනෙකු හඳුනාගෙන ඇත.