හැටන් සහ නුවරඑළිය පාසල් ගැන තීරණයක් ගන්න විදුහල්පතිවරුන්ට බලය

මධ්‍යම පළාතේ හැටන් සහ නුවරඑළිය අධ්‍යාපන කලාපවලට අයත් සියලුම පාසල් වසා තබන්නේ ද, නැද්ද යන්න පිළිබඳ තීරණය කිරීම එම පාසල්වල විදුහල්පතිවරුන් වෙත පවරා තිබෙනවා.

ඒ පවතින අයහපත් කාලගුණික තත්ත්වය සැලකිල්ලට ගනිමිනුයි.

ඒ අනුව අදාළ පාසල්වල විදුහල්පතිවරුන්ට පවතින අහයපත් කාලගුණික තත්ත්වය යටතේ එම පාසල් පවත්වන්නේද නැතිද යන්න තීරණය කළ හැකි බවට පළාත් අධ්‍යාපන අධ්‍යක්ෂවරයා සඳහන් කළේය.