වත්කම් සහ බැරකම් ප්‍රකාශ ඉදිරිපත් කිරීම අදින් අවසන්

වත්කම් සහ බැරකම් ප්‍රකාශ ඉදිරිපත් කිරීමට ලබාදී ඇති කාලය අද (30) දිනයෙන් අවසන් වන බව අල්ලස් හෝ දූෂණ චෝදනා විමර්ශන කොමිෂන් සභාව පවසනවා.

ඒ අනුව අද දිනය තුළ මෙතෙක් වත්කම් සහ බැරකම් ප්‍රකාශ ඉදිරිපත් නොකළ නිලධාරීන්ට ඒ සඳහා අවස්ථාව පවතී. 

2023 අංක 9 දරණ දූෂණ විරෝධී පනතේ ප්‍රතිපාදනවලට අනුව වත්කම් සහ බැරකම් ප්‍රකාශ ඉදිරිපත් කිරීමට නියමිත සියලු නිලධාරීන් ඔන්ලයින් ඔස්සේ සිය වත්කම් බැරකම් ප්‍රකාශ ඉදිරිපත් කළ යුතු වනවා. 

ඒ අනුව අද දිනයෙන් පසු වත්කම් බැරකම් ප්‍රකාශ ඉදිරිපත් කර නොමැති සියලුදෙනා හට දඩ අයකිරීමක් සිදුකරන බව අල්ලස් හෝ දුෂණ චෝදනා විමර්ශන කොමිෂන් සභාවේ අධ්‍යක්ෂ ජනරාල් රංග දිසානායක මහතා සඳහන් කළේය.