රටම කම්පා කරමින් සිදු වුණු පාස්කු ප්රහාරය සිදුවී අද දිනට වසර 7ක් වනවා.
ඒ නිමිත්තෙන් දිවයිනේ සෑම දේවස්ථානයකම අද (21) දිනයේ ආගමික වැඩසටහන් ක්රියාත්මක කිරීමට සැලසුම් කර ඇත.
අද පෙරවරුවේ සෑම දෙව්මැදුරකම ප්රහාරයේ වින්දිතයින් සැමරීම වෙනුවෙන් මෙම සැමරීම් සිදුකිරීමට නියමිත බවයි ජාතික කතෝලික ජන සන්නිවේදන අධ්යක්ෂක ජූඩ් ක්රිෂාන්ත ප්රනාන්දු පියතුමා සඳහන් කළේ.
ඒ අනුව මළවුන්ගේ සීනුව නාදකිරීම, විනාඩි 2ක නිශ්ශබ්දතාවය, ඉටිපන්දම් හෝ පොල්තෙල් පහන දැල්වීම, යාඤා මෙහෙය සිදුකිරීම සෑම දෙව්මැදුරකම අද පෙරවරුවේ සිදුකිරීමට නියමිතව තිබේ.
මේ අතර කොච්චිකඩේ ශාන්ත අන්තෝනි දේවස්ථානයේදී අගරදගුරු අති උතුම් මැල්කම් කාදිනල් රංජිත් හිමිපානන්ගේ ප්රධානත්වයෙන් විශේෂ දේව මෙහෙය පැවැත්වීමට නියමිතය
එමෙන්ම කටුවාපිටිය දේවස්ථානයේදී ද විශේෂ දේව මෙහෙයක් පැවැත්වීමට නියමිතය.
මේ අතර යැදුම් පා ගමන මීගමුව මාරිස්ටෙලා ක්රිඩාංගණයෙන් අද පස්වරු 4ට රදගුරු හිමිපානන් වහන්සේලා ඇතුළු ගිහි පැවිදි පූජක පිරිස සමඟ ගමන් ආරම්භ කර කටුවාපිටිය සාන්ත සෙබස්තියන් දේවස්ථාන පරිශ්රයෙන් අවසන් කිරීමට සැලසුම් කර තිබේ.

