දිස්ත්‍රික්ක දෙකකට නායයෑම් පූර්ව අනතුරු ඇඟවීම්

ජාතික ගොඩනැගිලි පර්යේෂණ සංවිධානය විසින් මධ්‍යම පළාතේ දිස්ත්‍රික්ක දෙකක් සඳහා නායයෑම් පූර්ව අනතුරු ඇඟවීමක් නිකුත් කර තිබෙනවා.

එම අනතුරු අඟවීම් අද (13) පෙරවරු 6.00 සිට හෙට (14) පෙරවරු 6.00 දක්වා වූ ඉදිරි පැය 24 සඳහා වලංගු වනවා.

ඒ අනුව, නුවරඑළිය දිස්ත්‍රික්කයේ වලපනේ සහ නිල්දණ්ඩාහින්න ප්‍රාදේශීය ලේකම් කොට්ඨාස සඳහා අදියර දෙක මට්ටමේ (අවදානයෙන් සිටින්න) අනතුරු ඇඟවීම නිවේදනය කර තිබේ.

එසේම, මහනුවර දිස්ත්‍රික්කයේ පාතහේවාහැට ප්‍රාදේශීය ලේකම් කොට්ඨාසය සඳහා අදියර 01 මට්ටමේ (විමසිලිමත් වන්න) නායයෑම් අනතුරු ඇඟවීමේ නිවේදන නිකුත් කර ඇත.