කාලගුණ විද්යා දෙපාර්තමේන්තුව විසින් පුරෝකථනය කර ඇති ආකාරයට ඉදිරියේදී ඇතිවන වැසි තත්ත්වයේ වර්ධනය වීම අනුව සූදානම් වීම සඳහා මේ වන විට ආපදා කළමනාකරණ අංශ සූදානම් කර තබා ඇති බව එම මධ්යස්ථානය පවසනවා.
මීට අදාළව නාවික හමුදා භට පිරිස්, ගුවන් යානා, සහ බෝට්ටු සූදානම් කරන ලෙස මේ වන විටත් දන්වා ඇති බවයි ආපදා කළමනාකරණ මධ්යස්ථානයේ අධ්යක්ෂ විශ්රාමික මේජර් ජෙනරාල් සම්පත් කොටුවෙගොඩ මහතා පැවසුවේ.
එළැඹෙන 29 වැනිදා සිට තරංගාකාර සුළං ප්රවාහයක් හේතුවෙන් වැසි තත්ත්වයේ වැඩිවීමක් අපේක්ෂා කරන අතර ඒ අනුව සාමාන්ය තතත්ත්වයට වඩා ඉහළ තත්ත්වයක වැසි උතුරු, උතුරු මැද, මධ්යම, නැගෙනහිර සහ ඌව ප්රදේශවලට ඇදහැලිය හැකි බවට බව කාලගුණ විද්යා දෙපාර්තමේන්තුව පෙන්වා දී තිබෙනවා.
මේ අනුව සිදුවිය හැකි ආපදා සම්බන්දව අවධානය යොමු කරමින් ඉන් ආරක්ෂා වීම සඳහා මෙම පියවර ගන්නා බවයි ආපදා කළමනාකරණ මධ්යස්ථානය සඳහන් කළේ.
“කාලගුණ විද්යා දෙපාර්තමේන්තුව නිරීක්ෂණය කර ඇති ආකාරයට තරංගාකාර සුළං ප්රවාහයක් නැගෙනහිර ප්රදේශයේ ඇතිවීම හේතුවෙන් මෙම මස 29 වැනි දින සිට වර්ෂාපතනය සාමාන්යට ඉහළ තත්ත්වයක් උතුරු ප්රදේශයටත්, උතුරු මැද, මධ්යම, නැගෙනහිර, සහ ඌව ප්රදේශවලට ඇද හැළිය හැකි බවට කාලගුණ විද්යා දෙපාර්තමේන්තුව දන්වා සිටිනවා.
ඒ අනුව ආපදා කළමනාකරණ මධ්යස්ථානය ත්රිවිධ හමුදාව සහ පොලීසිය, සිවිල් ආරක්ෂක දෙපාර්තමේන්තුව මේ පිළිබඳව දැනුවත් කර පෙර පරිදිම ඊසාන දිග මෝසමට ක්රියාත්මක වීමට තියෙන හදිසි සැලැස්මට අනුව භට පිරිස්, ගුවන් යානා, නාවික භට කණ්ඩායම් බෝට්ටු සූදානම් කරන ලෙස දන්වා තියෙනවා. ඒ නිසා ජනතාවට මේ පිළිබඳව අවධානයෙන් සිටින ලෙස ආපදා කළමනාකරණ මධ්යස්ථානය දන්වා සිටිනවා.”

