අස්වැසුම පළමු අදියරයේ තොරතුරු යථාවත් කිරීම දෙසැම්බර් 31න් අවසන්

අස්වැසුම සුබසාධන ප්‍රතිලාභ වැඩසටහනේ පළමු අදියර යටතේ තොරතුරු යථාවත් කිරීම දෙසැම්බර් 31 වනදායින් අවසන් වීමට නියමිතව තිබෙනවා.

මේ වනවිට ප්‍රතිලාභ ලබන නොලබන සියලුමදෙනාගේ තොරතුරු ඒ අනුව යාවත්කාලීන කෙරෙනවා.

ඒ අනුව මේ වන තෙක් තොරතුරු යථාවත් නොකළ සියලුදෙනාට පහත පරිදි එම තොරතුරු යාවත්කාලින කරන ලෙසයි දැනුම් දෙන්නේ,

* https://www.eservices.wbb.gov.lk වෙත පිවිස මාර්ගගතව තොරතුරු යථාවත් කළ හැකිය.

*අදාළ ග්‍රාම නිලධාරී වසමේ ග්‍රාම නිලධාරීවරයා හෝ වසමේ අස්වැසුම විෂයභාර නිලධාරිවරයා හමුවී තාක්ෂණික සහාය ලබාගෙන මාර්ගගතව තොරතුරු යථාවත් කිරීම.

* අදාළ අයදුම්පත පුරවා තමා අයත් ප්‍රාදේශීය ලේකම් කාර්යාලයේ සුබසාධක ප්‍රතිලාභ තොරතුරු ඒකකයට  ලබාදීම මඟින් තොරතුරු යථාවත් කිරීම.

*තමා අයත් ප්‍රදේශයේ පිහිටි සන්නිවේදන මධ්‍යස්ථාන වෙත ගොස් එහි තාක්ෂණික සහාය ලබාගෙන තොරතුරු මාර්ගගතව යථාවත් කිරීම.