දසවැනි පාර්ලිමේන්තුවේ පළමු සභාවාරය සඳහා රජයේ ගිණුම් පිළිබඳ කාරක සභාවේ (කෝපා) අභිනව සභාපතිවරයා ලෙස කබීර් හෂීම් මහතා තේරී පත්වී තිබෙනවා.
මින් පෙර එම ධුරයේ කටයුතු කළ පාර්ලිමේන්තු මන්ත්රී අරවින්ද සෙනරත් මහතා ඉල්ලා අස්වීමෙන් ඇති වූ පුරප්පාඩු පිරවීමට එම කාරක සභාව අද (12) පාර්ලිමේන්තුවේදී රැස්වූ අවස්ථාවේදී මෙම තීරණය ගෙන තිබෙනවා.
සභාපති ධුරය සඳහා පාර්ලිමේන්තු මන්ත්රී කබීර් හෂීම් මහතාගේ නම පාර්ලිමේන්තු මන්ත්රීවරුන් වන ජේ.සී. අලවතුවල සහ රෝහිත අබේගුණවර්ධන යන මහත්වරු විසින් පිළිවෙලින් යෝජනා කර ස්ථිර කරන ලදී.
කාරක සභාව අමතමින් අභිනව සභාපතිවරයා පැවසුවේ දේශපාලන මතවාදවලින් තොරව මධ්යස්ථව කටයුතු කරමින්, සියලු සාමාජිකයින්ගේ සහයෝගයෙන් සිය ධුරයේ කටයුතු කිරීමට අපේක්ෂා කරන බවය.
එසේම කාරක සභාවේ හිටපු සභාපති පාර්ලිමේන්තු මන්ත්රී අරවින්ද සෙනරත් මහතා සිදු කළ කාර්යභාරය මෙහිදී අගය කළ අතර ඔහු කළ කාර්යභාරය ඉදිරියටත් වඩාත් හොඳින් සිදු කිරීමට අපේක්ෂා කරන බව ද සභාපතිවරයා පැවසුවා.

