මේ වසරේ ගෙවුණු මාස 7 තුළ විදේශ රැකියා වංචනික ක්රියාවල නිරත වූ පුද්ගලයින් හා බලපත්ර රහිත රැකියා නියෝජිතායතනවලට එරෙහිව නඩු පවරා වින්දිතයින්ට රුපියල් ලක්ෂ 1994කට අධික මුදලක් යළි අයකර දීමට කටයුතු කළ බව ශ්රී ලංකා විදේශ සේවා නියුක්ති කාර්යාංශය පවසනවා.
කාර්යාංශයේ නියෝජ්ය සාමාන්යාධිකාරී නීති නීතීඥ නෙළුම් සමරසේකර මහත්මියගේ උපදෙස් පරිදි ක්රියාත්මක කරන ලද විශේෂ වැටලීම් හා කාර්යාංශයට ලැබුණු පැමිණිලි මත මෙම නඩු පැවරීම් සිදුකර තිබේ.
ඒ අනුව මේ වසරේ පසුගිය මාස 7 තුළ විදේශ රැකියා වංචාකරුවන්ට එරෙහිව අධිකරණයේ පවරා ඇති නඩු ප්රමාණය 567ක් වනවා.
එම කාලය තුළ විවිධ පැමිණිලි 2620ක් කාර්යාංශයට ලැබී ඇති බව සඳහන්.
එසේම මෙම කාලය තුළ කාර්යාංශයේ විශේෂ විමර්ශන අංශය මගින් වැටලීම් 05ක් ද සිදු කර ඇති අතර ඊට නීති විරෝධි ක්රියාවල යෙදුණු එක් බලපත්ර ලාභී විදේශ රැකියා නියෝජිතායතනයක්ද අයත් වනවා.
මෙම කාලය තුළදී වංචනිකයින් 36 දෙනෙකු අත්අඩංගුවට ගෙන ඇති අතර බලපත්රලාභී රැකියා නියෝජිත ආයතනවල පුද්ගලයින් 07ක්ද ඊට අයත් වේ.
මේ අතර, 2024 වර්ෂය තුළදී රුපියල් ලක්ෂ 1825කට අධික මුදලක් විදේශ රැකියා වින්දිතයින්ට යළි අය කර දීමට කාර්යාංශය සමත්ව තිබෙනවා.
පසුගිය වර්ෂයේදී විදේශ රැකියා ආශ්රිතව ලැබී ඇති පැමිණිලි සංඛ්යාව 4,658කි.
මේ අතර විදෙස් රැකියා ලබා දෙන බවට කියමින් වංචනිකව මුදල් ලබාගත් පුද්ගලයින් වෙතොත් එවැනි පුද්ගලයින් පිළිබඳ තොරතුරු කාර්යාංශයේ 1989 දුරකථන අංකයට දැනුම් දෙන ලෙසද විදේශ සේවා නියුක්ති කාර්යාංශය ඉල්ලීමක් කරනවා.

