රන් ආලේපිත ටී 56 වර්ගයේ ගිනිඅවියේ හිමිකාරීත්වය සම්බන්ධයෙන් වූ නඩුවෙන් හිටපු පාර්ලිමේන්තු මන්ත්රී දුමින්ද දිසානායක මහතා මුදා හැරීමට ගල්කිස්ස මහෙස්ත්රාත් අධිකරණය නියෝග කර තිබෙනවා.
අදාළ නඩුව අද (29) ගල්කිස්ස මහෙස්ත්රාත් අධිකරණයේදී කැඳවූ අවස්ථාවේදී ගල්කිස්ස මහෙස්ත්රාත් චතුරිකා ද සිල්වා මහත්මිය මෙම නියෝගය ලබා දී තිබෙනවා.
මෙම නඩුවට අදාළව සෘජු හා පරිවේෂණීය සාක්ෂි නොමැති වීම හේතුවෙන් මෙම තීරණය දුන් බවයි ඇය සඳහන් කර සිටියේ.
හැව්ලොක් සිටි සුපිරි නිවාස සංකීර්ණයෙන් හමුවූ රන් ආලේපිත ටී 56 වර්ගයේ ගිනි අවියේ හිමිකාරිත්වය සම්බන්ධයෙන් සිදුකරන විමර්ශනවලට අදාළව හිටපු පාර්ලිමේන්තු මන්ත්රීවරයා පසුගිය මැයි මස 23 වැනි දින අත්අඩංගුවට ගනු ලැබූ අතර පසුව ගල්කිස්ස මහෙස්ත්රාත් අධිකරණයට ඉදිරිපත් කිරීමෙන් අනතුරුව රක්ෂිත බන්ධනාගාර ගත කිරීමටද නියෝග කෙරුණා.
පසුව ඔහු විසින් ඉදිරිපත් කර තිබූ ඇප ඉල්ලීමක් සලකා බැලීමෙන් අනතුරුව පසුගිය 14 වැනි දින ඇප කොන්දේසි මත නිදහස් කරනු ලැබුවා.

