අද (17) දිනයේ ගාල්ල, මීගමුව හා වේයන්ගොඩ වැනි කෙටි මාර්ගවල පමණක් දුම්රිය ධාවනයට කටයුතු කරන බව දුම්රිය සාමාන්යාධිකාරී ධම්මික ජයසුන්දර මහතා පවසනවා.
ඒ අනුව අද දිනයේ දුරගමන් දුම්රිය ධාවනය නොකෙරෙන බවයි වාර්තා වෙන්නේ.
ඉල්ලීම් කිහිපයක් මුල් කරගනිමින් දුම්රිය ස්ථානාධිපතිවරුන් ඊයේ (16) මධ්යම රාත්රියේ සිට එක්දින සංකේත වැඩවර්ජනයක් ආරම්භ කරනු ලැබුවා.
ඒ අතර දුම්රිය ස්ථානාධිපතිවරුන්ගේ බඳවාගැනීමේ ක්රියාවලිය යථාවත් කිරීම, ශ්රේණි උසස් කිරීම සහ වරප්රසාද ලබාදීමේදී පවතින ගැටලු විසඳීම ඇතුළු ඉල්ලීම් කිහිපයක් වනවා.
මෙම ඉල්ලීම් සඳහා ලබන සතිය ඇතුළත විසඳුම් ලබාදීමට පියවර නොගත හොත් අඛණ්ඩ වර්ජනයක් ක්රියාත්මක කරන බවයි දුම්රිය ස්ථානාධිපතිවරුන්ගේ සංගමයේ සභාපති සුමේධ සෝමරත්න මහතා පැවසුවේ.
මෙම වැඩවර්ජන ක්රියාමාර්ගය හේතුවෙන් ඊයේ රාත්රියේ ධාවනයවීමට නියමිතව තිබූ සියලුම තැපැල් දුම්රිය අවලංගු කරනු ලැබුවා.

