ශ්රී බුද්ධ වර්ෂ 2569වන සම්බුදු තෙමගුල සිහිපත් කරමින් ජාතික වෙසක් සතිය අදින් (10) ඇරඹෙනවා.
එය ලබන 16වනදා දක්වා පැවැත්වෙනවා.
මෙවර වෙසක් උත්සවයේ තේමාව වන්නේ කලණ ගුණ ඇති උතුම් මිතුරන් ඇසුරු කරමු යන්නයි.
මීට සමගාමීව රාජ්ය වෙසක් මහෝත්සවය නුවරඑළිය දිස්ත්රික්කය කේන්ද්ර කරගනිමින් අද සිට ආරම්භවීමට නියමිතයි.
සමස්ත ලංකා ශාසනාරක්ෂක මණ්ඩලය, ජනාධිපති කාර්යාලය, බුද්ධ ශාසන, ආගමික හා සංස්කෘතික කටයුතු අමාත්යාංශය, බෞද්ධ කටයුතු පිළිබඳ දෙපාර්තමේන්තුව, මධ්යම පළාත් සභාව සහ නුවරඑළිය දිස්ත්රික් ලේකම් කාර්යාලය එක්ව සංවිධානය කරන මෙවර රාජ්ය වෙසක් මහෝත්සවය සංවිධානය කරනු ලබයි.
රාජ්ය වෙසක් උත්සවයට සමගාමිව නුවරඑළිය, බදුල්ල ශාසනාරක්ෂක බලමණ්ඩලය ඒකාබද්ධව ආරම්භ කළ තායිලන්තයේ මහා සංඝරත්නය බණ්ඩාරවෙළ සිට නුවරඑළිය දක්වා ‘සියම් ලංකා ධර්ම යාත්රා’ වැඩසටහනෙහි දෙවැනි අදියර අද නුවරඑළිය නගරයෙන් අවසන් කිරීමට නියමිතව ඇත.
එමෙන්ම මෙම කාලසීමාව තුළ නුවරඑළිය දිස්ත්රික්කයේ දැනට වැඩ නිමනොවූ විහාර සංවර්ධන ව්යාපෘති කිහිපයක් ත්රිවිධ හමුදාවේ සහය ඇතිව ක්රියාත්මක කිරීමට ද නියමිතව තිබේ.

