පළාත් පාලන ආයතන ජන්ද විමසීමට අදාළව මැතිවරණ ප්රචාරණ ආදායම් වියදම් වාර්තා ලබන 28වන දිනට පෙර ලබාදෙන ලෙස මැතිවරණ කොමිෂන් සභාව අපේක්ෂකයන්ට දැනුම් දෙනවා.
2023 අංක 03 දරන මැතිවරණ වියදම් නියාමනය කිරීමේ පනත ප්රකාරව අපේක්ෂකයින් මැතිවරණ ප්රචාරණ ආදායම් හා වියදම් වාර්තා වෙන වෙනම සකස්කර ඉදිරිපත් කලයුතු බවයි මැතිවරණ කොමිෂන් සභාව සඳහන් කරන්නේ.
තරග කරන ලද දිස්ත්රික්කවල තේරිම් භාර නිලධාරීන් වෙත මෙම ආදායම් වියදම් වාර්තා නියමිත දිනට පෙර ලබා දිය යුතු වනවා.
මේ අතර ආදායම් වියදම් වාර්තා ලබාදීමට අපොහොසත් වන අපේක්ෂකයින්ට එරෙහිව නීතිය ක්රියාත්මක වීම සම්බන්ධයෙන් ගැටලුවක් පවතින බව ප්රජාතන්ත්රිය ප්රතිසංස්කරණ හා මැතිවරණ අධ්යයන ආයතනයේ විධායක අධ්යක්ෂ මංජුල ගජනායක මහතා සඳහන් කළේය.

