මේ දිනවල පවතින වර්ෂාවත් සමග ඩෙංගු සහ චිකන්ගුන්යා රෝගය ව්යාප්ත වීමේ දැඩි අවදානමක් පවතින බව සෞඛ්ය අංශ අවධාරණය කරනවා.
ශ්රී ලංකා මහජන සෞඛ්ය පරීක්ෂකවරුන්ගේ සංගමයේ ලේකම් චමිල් මුතුකුඩ මහතා පැවසුවේ ඩෙංගු රෝගය ව්යාප්ත කරනු ලබන මදුරුවන් හරහා චිකන් ගුන්යා රෝගය ද ව්යාප්ත වන බවය.
දීර්ඝ සති අන්ත නිවාඩුව සහ පාසල් නිවාඩුව හේතුවෙන් බොහෝ පිරිස් විනෝද චාරිකා ගොස් ඇති බවත් මේ හේතුවෙන් නිවාස සහ අවට පරිසරය පිරිසිදු කර ගැනීමේ හැකියාව මග හැරී ගොස් ඇති බවයි ඔහු පෙන්වා දෙන්නේ.
මේ හේතුවෙන් මදුරුවන් බෝ වන ස්ථාන වැඩි වී ඇතැයි ඔහු සඳහන් කරනවා
අවට පරිසරය නිරන්තර පිරිසිදු කරගනිමින් මදුරුවන් බෝවිම වළක්වා ගන්නා ලෙසයි ජනතාවට උපදෙස් ලබා දෙන්නේ.

