2025 අයවැය සංශෝධන සහිතව සම්මත වෙයි

2025 අයවැය සංශෝධන සහිතව වැඩි ඡන්දයෙන් සම්මත වී තිබෙනවා.

අද පස්වරුවේ පැවැත්වුණු අයවැය තෙවන වර කියවීමේ ඡන්ද විමසීමේ දී අයවැය ට පක්ෂව ඡන්ද 159ක් සහ විරුද්ධව ඡන්ද 45ක් හිමිවිය.

ඒ අනුව වැඩි ඡන්ද  114කින් අයවැය තෙවන වර කියවීම සම්මත වුණා.

මෙම වසර සඳහා වන විසර්ජන පනත් කෙටුම්පත දෙවන වර කියවීම මුදල් අමාත්‍යවරයා ලෙස ජනාධිපති අනුර කුමාර දිසානායක මහතා විසින් පෙබරවාරි 17 වන දින පාර්ලිමේන්තුවට ඉදිරිපත් කරනු ලැබීය.

ඒ අනුව දින 07 කාලයක් විසර්ජන පනත් කෙටුම්පත දෙවන වර කියවීමේ විවාදය පැවති අතර පෙබරවාරි 25වන දින දෙවන වර කියවීමේ ඡන්ද විමසීම පැවැත්වුණි.

එහිදි අය වැය දෙවන වර කියවීම වැඩි ඡන්ද 109කින් සම්මත වූ අතර අයවැයට පක්ෂව ඡන්ද 155ක් ලැබුණු අතර විපක්ෂව ලැබුණේ ඡන්ද 46 පමණයි.