අලුත් අවුරුදු සමයේ පාරිභෝගිකයන්ට අඛණ්ඩව අත්යවශ්ය ආහාර සැපයුමක් ලබාදීම රජය සහතික කර තිබෙනවා.
ආහාර සුරක්ෂිතතාව තහවුරු කිරීමට අදාළව ප්රතිපත්තිමය තීන්දු ගැනීම සඳහා විෂයභාර අමාත්යවරුන් සහ ආහාර ප්රතිපත්ති හා සුරක්ෂිතතා කමිටුවේ සාමාජිකයින් ඊයේ(03) පාර්ලිමේන්තුවේදී රැස් වී තිබෙනවා.
එළැඹෙන අලුත් අවුරුදු සමයේ ජනතාවට හිඟයකින් තොරව සහන මිලට අත්යවශ්ය ආහාර ද්රව්ය සැපයීම පිළිබඳ මෙහිදී දීර්ඝ ලෙස සාකච්ඡා වී ඇති බවයි ජනාධිපති මාධ්ය අංශය පැවසුවේ.
එසේම රට තුළ ආහාර සුරක්ෂිතතාව තහවුරු කිරීම සඳහා තොග පවත්වා ගැනීම ඇතුළු අනෙකුත් පියවර පිළිබඳව ද එහිදී වැඩිදුරටත් සාකච්ඡා වී ඇතැයි සඳහන්ය.
පාරිභෝගිකයාත්, ගොවි ජනතාවත්, නිෂ්පාදකයාත් ආරක්ෂා කරගනිමින් එම සියලු පියවරයන් ගැනීමේ අවශ්යතාව එහිදී අවධාරණය කෙරුණු බව ජනාධිපති මාධ්ය අංශය පැවසීය.

