දසවැනි පාර්ලිමේන්තුව යටතේ ආංශික අධීක්ෂණ කාරක සභා 7ක් ස්ථාපිත කිරීමට පාර්ලිමේන්තු කටයුතු පිළිබඳ කාරක සභාවේදී එකඟතාවය පළවී තිබෙනවා.
කථානායක වෛද්ය ජගත් වික්රමරත්න මහතාගේ ප්රධානත්වයෙන් පැවති පාර්ලිමේන්තු කටයුතු පිළිබඳ කාරක සභාවේදී ඒ බව තීරණය වී ඇති බවයි පාර්ලිමේන්තුවේ මහලේකම් කුෂානි රෝහණධීර මහත්මිය පැවසුවේ.
අදාළ ආංශික අධීක්ෂණ කාරක සභා 7න් සභාපතිධුර 03ක් විපක්ෂයටත්, අනෙක් සභාපතිධුර හතර ආණ්ඩු පක්ෂයට ලබා දීමටත් එහි දී එකඟත්වය පළවී තිබෙනවා.
ආංශික අධීක්ෂණ කාරක සභාවල ක්රියාකාරීත්වය පිළිබඳව සමාලෝචනය කිරීමට පත්කරන ලද කමිටුවේ නිර්දේශ මතයි මෙලෙස දසවැනි පාර්ලිමේන්තුව සඳහා ආංශික අධීක්ෂණ කාරක සභා 7ක් සියලු අමාත්යාංශවල විෂය පථයන් ආවරණය වන පරිදි පිහිටුවීමට තීරණය වී ඇත්තේ.

