නව වසරේ රාජකාරී ආරම්භ කරන හෙට (01) දිනයේ සියලු රාජ්ය ආයතනවල නිල උත්සවයක් පවත්වන ලෙස රාජ්ය පරිපාලන පළාත් සභා හා පළාත් පාලන අමාත්යංශය දැනුම් දී තිබෙනවා.
අමාත්යංශ ලේකම් එස්. ආලෝක බණ්ඩාර මහතා විසින් චක්රලේඛයක් නිකුත් කරමින් අමාත්යංශ ලේකම්වරුන්, පළාත් ප්රධාන ලේකම්වරුන්, දෙපාර්තමේන්තු ප්රධානීන්, රාජ්ය සංස්ථා සහ ව්යවස්ථාපිත මණ්ඩල ප්රධානීන් වෙත ඒ පිළිබදව දැනුම් දී ඇති බව සඳහන්.
“Clean Sri Lanka “ ජාතික වැඩසටහන සමග නව වසරේ රාජකාරී කටයුතු ඇරඹිය යුතු බව එම චක්රලේඛයේ සදහන් වේ.
Clean Sri Lanka වැඩසටහන එළිදැක්වීම රාජ්ය අංශය සහ පෞද්ගලික අංශය ඒකාබද්ධව ජනාධිපති අනුර කුමාර දිසානායක මහතා විසින් ජනාධිපති කාර්යාලයේ දී හෙට දිනයේ සිදුකිරීමට සැලසුම් කර තිබේ.
රාජ්ය පරිපාලන පළාත් සභා හා පළාත් පාලන අමාත්යංශය දැනුම් දී ඇත්තේ ඒ අනුව සියලුම රාජ්ය ආයතන ප්රධානීන්, සමස්ත රාජ්ය සේවයේ නියුතු පිරිසගේ සහභාගීත්වයෙන් ජනාධිපති කාර්යාලයේ පැවැත්වෙන කාර්යයට සමගාමීව සිය සේවා ස්ථානවල රාජකාරී කටයුතු ආරම්භ කිරීම සිදුකළ යුතු බවය.
එසේම Clean Sri Lanka වැඩසටහන එළිදැක්වීමේ ජාතික උත්සවය සියලු රජයේ සහ පෞද්ගලික විද්යුත් නාලිකා මගින් විකාශනය කිරීමට කටයුතු සලසා ඇති අතර සියලු රාජ්ය ආයතනවල කාර්ය මණ්ඩලයට එය නැරඹීමේ පහසුකම සලසා දෙන ලෙස ද දැනුම් දී තිබෙනවා.
ඒ අනුව සියලු රාජ්ය සේවකයින් Clean Sri Lanka ප්රතිඥාව කියවිම සඳහා සජීවීව සම්බන්ධ විය යුතු බවද රාජ්ය පරිපාලන පළාත් සභා හා පළාත් පාලන අමාත්යංශය සිය චක්රලේඛය මගින් වැඩිදුරටත් දැනුම් දී තිබේ.

