අද (29) පෙරවරුව වනවිට සහල් මෙට්රික්ටොන් 75,000ක් මෙරටට ආනයනය කර නිෂ්කාශනය අවසන් කර ඇති බව ශ්රී ලංකා රේගුව සඳහන් කරනවා.
ඉන් මෙට්රික්ටොන් 32,000ක් කැකුළු සහල් වන අතර, මෙට්රික්ටොන් 43,000ක් නාඩු සහල් වනවා.
සහල් ආනයනය සඳහා ලබා දී තිබූ කාලය පසුගිය 20 වන දා අවසන් වූනත් එය එළැඹෙන ජනවාරි මස 10 දින දක්වා දීර්ඝ කිරීමට රජය පසුගිය දා පියවර ගනු ලැබුවා.
ඒ අනුව සහල් නිෂ්කාශනය කිරීමේ කටයුතු රේගුව විසින් පසුගිය 26 දා සිට නැවත ආරම්භ කරනු ලැබීය.
රේගු මාධ්ය ප්රකාශක, අතිරේක රේගු අධ්යක්ෂ ජනරාල් සීවලි අරුක්ගොඩ මහතා පැවසුවේ ආනයනය කරන සහල් ඉක්මනින් නිදහස් කිරීම සඳහා රේගුව ආහාර පරීක්ෂකවරුන් හා ශාක නිරෝධායන නිලධාරීන්ගේ සහයෝගයෙන් විශේෂ ක්රමවේදයක් ක්රියාත්මක කර ඇති බවය.

