ඉදිරි පැය 36 තුළ ප්‍රදේශ රැසකට වැසි

ඉදිරි පැය 36 තුළ නැගෙනහිර පළාතේ මෙන්ම සෙසු ප්‍රදේශවලට තැනින් තැන වැසි හෝ ගිගුරුම් සහිත වැසි ඇති විය හැකි බව කාලගුණ විද්‍යා දෙපාර්තමේන්තුව නිවේදනය කරනවා.

ඒ අනුව, මධ්‍යම, සබරගමුව සහ දකුණු පළාත්වල ඇතැම් ස්ථානවලට තරමක තද වැසි ඇති විය හැකියි.

මේ අතර, බදුල්ල, මහනුවර, කුරුණෑගල සහ මාතලේ දිස්ත්‍රික්කවල නායයෑමේ අවදානම් ප්‍රදේශ සදහා හෙට පස්වරු 04 දක්වා නායයෑමේ අවදානම් නිවේදනයක් නිකුත් කර තිබෙනවා.