2024 අ.පො.ස උසස් පෙළ විභාගය හෙට (25) සිට ආරම්භ කිරීමට සියළු කටයුතු සුදානම් කර ඇති බව ශ්රී ලංකා විභාග දෙපාර්තමේන්තුව පවසනවා.
මෙවර උසස් පෙළ විභාගය මධ්යස්ථාන 2,312 කදී පැවැත්වෙනවා .
විභාගය ලබන මස 20 දා දක්වා පැවැත්වෙන අතර මෙවර විභාගයට පෙනී සිටින සිසුන් සංඛ්යාව, 333,183ක්.
ඒ අතරට පාසල් අයදුම්කරුවන්, 253,390ක් සහ පෞද්ගලික අයදුම්කරුවන් 79,795 ක් ඇතුළත්.
උසස් පෙළ විභාග මධ්යස්ථාන තුළ ජංගම දුරකතන භාවිතය සදහා අවසර හිමිවන්නේ විභාග ශාලාධිපතිවරුන්ට පමණක් බවයි විභාග කොමසාරිස් ජනරාල්වරයා කියා සිටියේ.
ඒ අනුව සහකාර ශාලාධිපතිවරුන්ට හෝ කාර්ය මණ්ඩලයට මෙවර ජංගම දුරකතන භාවිතයට අවසර හිමිවන්නේ නැහැ.

