මුතුරාජාගේ ඇත් දළ කපන්න යයි ?

ශ්‍රී ලංකාවේ සිට තායිලන්තයට රැගෙන ගිය මුතුරාජාගේ ඇත් දළ කැපීමට එරට ලම්පාන්ග් පළාතේ තායි අලි සංරක්ෂණ මධ්‍යස්ථානයේ පශු වෛද්‍යවරු යෝජනා කර ඇතැයි තායිලන්ත මාධ්‍ය වාර්තා කර තිබෙනවා.

ඇත් දළ පොළවේ ගෑවෙන තෙක් වර්ධනය වී තිබීම හේතුවෙන් මුතු රාජාට දෛනික කටයුතු කරගෙන යාමට අපහසුතාවයක් මතුව තිබෙම හේතුවෙනුයි මෙම තීරණය ගෙන ඇත්තේ .

ඒ අනුව දෛනික කටයුතු පහසු කිරීම සඳහා දළ දෙකේ දිග අඩු කිරීමට මුතු රාජා රඳවා සිටින තායි අලි සංරක්ෂණ මධ්‍යස්ථානයේ පශු වෛද්‍යවරුන් යෝජනා කර තිබෙනවා

එසේම දිගින් දිගටම ඇත් දළ වර්ධනය වීම හේතුවෙන් මුතු රජාගේ බෙල්ලට එම බර දරා ගැනීමට අපහසු වනු ඇතැයි පශු වෛද්‍යවරුන්ගේ මතය වී තිබෙන බවද මාධ්‍ය වාර්තා කර තිබෙනවා .

ඇත් දළ දෙකේ බර හේතුවෙන් මුතු රාජා බෙල්ල පහත් කරගෙන ගමන් කරන බවද පශු වෛද්‍යවරු නිරීක්ෂණය කර තිබෙනවා. 

තුවාල ලබාසිටි මුතුරාජා ප්‍රතිකාර කිරීම සඳහා පසුගිය වසරේ ජූලි මාසයේදී තායිලන්තයට රැගෙන එනු ලැබුවේය.