ඊශ්‍රායලය ලෙබනනයට ගොඩබිමින් පහර දෙයි

ඉරානය ඊශ්‍රායලය ඉලක්ක කරමින් එල්ල කරන ප්‍රහාර නැවැත්වීමෙන් පසුව ලෙබනනයට ඇතුළු වූ ඊශ්‍රායල හමුදාව සහ හිස්බුල්ලා සටන්කාමීන් අතර ගැටුම් ආරම්භයෙන් පසු පළමුවරට ගොඩබිම් ගැටුම් හටගෙන තිබේ.

විදෙස් මාධ්‍ය වාර්තා කරන්නේ, එම ගැටුම් අතරතුරදී ඊශ්‍රායල සෙබළුන් 8 දෙනෙකු මියගොස් ඇති බවය.

ඔවුන්ගේ මරණය පිළිබඳව ශෝකය පළකරමින් ඊශ්‍රායල අගමැති බෙන්ජමින් නෙතෙන්යාහු පවසා සිටියේ ඊශ්‍රායලය මේ වනවිට ඉරානයේ සහාය ලබන ත්‍රස්තයින්ට එරෙහි යුද්ධයේ උච්චතම අවස්ථාවට ළඟා වී ඇති බවයි.

ඊශ්‍රායල පාබල හමුදාව ගොඩබිම් මෙහෙයුම් ක්‍රියාත්මක කළේ ඊශ්‍රායල ගුවන් සහ කාලතුවක්කු ප්‍රහාරවලද සහාය ඇතිවයි.