කායික සබඳතාවයක් නොමැතිව ගැබ් ගත් පොඩ්ඩී

කායික සබඳතාවයක් නොමැතිව අවුරුදු 13ක් පමණ වයසැති දැරියක් ගැබ්ගැනීමේ සිද්ධියක් මේ වනවිට දැඩි ආන්දෝලනයට ලක්ව තිබෙනවා.

ලිංගික සංස­ර්ග­ය­කින් තොරව ගැබ් ගැනීමේ හැකි­යා­වක් ස්ත්‍රියක් සතු වුවද අනි­වා­ර්ය­යෙන්ම ඒ සඳහා පුරු­ෂ­ය­කුගේ සක්‍රීය ශුක්‍රා­ණු­වක් තිබිය යුතු බවයි ප්‍රසව හා නාරි­වේද වෛද්‍ය­වරු පව­සන්නේ.

වසර 2019 දී John Hopkins University සහ සිංග­ප්පූ­රුවේ ජාතික රෝහල එක්ව කන්‍යා ගැබ්ගැනීම් සම්බ­න්ධ­යෙන් අධ්‍ය­ය­න­යක් සිදු කර තිබෙන බව ද ප්‍රසව හා නාරි­වේද වෛද්‍ය­වරු සඳ­හන් කරනවා.

ගැබිනි මවු­ව­රුන් 7,870ක් එම අධ්‍ය­ය­න­යට යොදා ගෙන ඇති අතර ඉන් කාන්තා­වන් 45ක් යෝනි මාර්ගික ලිංගික හැසි­රී­ම­කින් තොරව ගැබ් ගෙන ඇති බවට වාර්තා වී ඇතැ­යි ද එම වෛද්‍ය­වරු සඳ­හන් කරනවා.

සක්‍රිය ශුක්‍රා­ණු­වක් යෝනි මාර්ගය සමඟ ස්පර්ශ වුව­හොත් ගැබ් ගැනීමේ හැකි­යා­වක් ඇති බවට මෙම අධ්‍ය­ය­නය අව­සා­නයේ දී තීර­ණය වී තිබේ.

ඒ අනුව පුරු­ෂ­ය­කුගේ සක්‍රිය ශුක්‍රා­ණු­වක් සමඟ සම්බන්ධ වීම­කින් තොරව කාන්තා­ව­කට ගැබ් ගැනී­මට නොහැකි බවත් කන්‍යා පට­ල­යට හානි­යක් නොවී ගැබ් ගැනී­මට හැකි­යා­වක් ඇති බවත් වෛද්‍ය­වරු ප්‍රකාශ කරති.

මෙම තත්ත්වය මත මේ සම්බ­න්ධ­යෙන් විම­ර්ශ­න­යක් පව­ත්වන හෙට්ටි­පොළ පොලි­සිය, වෛද්‍ය­ව­රුන්ගේ සහාය ඇතිව උත්ස­හ­යක නිරත වන්නේ ඇය මෙසේ ගැබ් ගැනී­මක් සිදු­වූයේ කුමන ආකා­ර­ය­කි­න්දැයි කියාය.

ඒ ඇය ගැබ් ගැනී­මට මුල්වූ පිරිමි ශ්‍රක්‍රා­ණුව කාගේ­දැයි අනා­ව­ර­ණය කර ගැනී­ම­ටය. ඒ සඳහා දැරි­විය සිය කුසේ සිටින බිලිඳා බිහි කිරී­මෙන් අන­තු­රුව DNA පරි­ක්ෂා­වක් සිදු කිරී­මට සිදු­වනු ඇති බව උසස් පොලිස් නිල­ධා­රි­යෙක් පැවැ­සීය.

දැරි­ය­ගෙන් වෛද්‍ය­වරුන් මේ ගැන ප්‍රශ්න කිරීමේ දී පවා ඇය පවසා ඇත්තේ කිසිදු පිරි­මි­යෙක් ඇය සමඟ කිට්ටු සම්බ­න්ධ­ය­ක්වක් පවත්වා නොමැති බවය.

එසේම මවුපියන් පවා පවසා ඇත්තේ දැරි­විය කිසි­වි­ට­කත් අනා­ර­ක්ෂි­තව නොසිට ඇති බවය.

ඒ අනුව මෙම ගැට­ලුව විස­ඳී­මට යම් කාල­යක් බලා සිටී­මට සිදු­වනු ඇති බවත් දැරි­විය යහ­පත් සෞඛ්‍ය තත්ත්ව­යෙන් සිටින බැවින් ඉදි­රියේ දී මනෝ වෛද්‍ය­ව­රුන්ගේ සහාය ගැනී­මට බලාපොරො­ත්තු­වන බවත් දැන­ග­න්නට තිබේ.