පාරිසරික උද්යාන ආරක්ෂා කිරීම වෙනුවෙන් වෙනම පනත් කෙටුම්පතක් සම්මත කිරීමට ඉදිරියේ දී පියවර ගන්නා බව ජනාධිපති රනිල් වික්රමසිංහ මහතා පවසනවා.
ජනාධිපතිවරයා පෙන්වා දෙන්නේ ඊට අදාළ පනතක් නොමැති වීම හේතුවෙන් විවිධ ගොඩනැගිලි ඉදිකරමින් ඒවායේ අලංකාරය නැති කිරිමට පුද්ගලයන් කටයුතු කරන බවයි.
ගාල්ල, හෝලුවාගොඩ ඉදි කළ “සෙරින් රිවර් පාර්ක්” පාරිසරික උද්යානය ජනතා අයිතියට පවරා දීමෙන් අනතුරුව පැවති උත්සව සභාව අමතමිනුයි හෙතෙම මේ බව සඳහන් කළේ.
2021 වසරේදී ඉදිකිරීම් ඇරඹූණු මෙම උද්යානය අක්කර 14ක විශාලත්වයකින් යුතු පුරන්වූ කෙත් යායක ඉදිකර තිබේ.
කර්මාන්ත සහ සෞඛ්ය අමාත්ය රමේෂ් පතිරණ මහතාගේ මූලිකත්වයෙන් ක්රියාත්මක මෙම ව්යාපෘතියේ සැලසුම් නාගරික සංවර්ධන අධිකාරිය විසින් සකස්කර ඇති අතර ශ්රී ලංකා ඉඩම් ගොඩකිරීමේ සංස්ථාව විසින් ඉදිකිරීම් කටයුතු සිදුකර තිබේ.
ව්යාපෘතිය සඳහා ඇස්තමේන්තුගත මුදල රුපියල් මිලියන 440කි. වැවක්, ඇවිදින මංතීරු, යකඩ පාලම්, ළමා උද්යාන, වෙළඳ කුටි, පරිසර පද්ධති ආදියෙන් මෙම උද්යානය සමන්විත වන අතර ඒ සඳහා විදුලිය ලබාදීම සූර්ය බලශක්තියෙන් සිදු කෙරේ.

