ජලාශ රැසකම වාන් දොරටු විවෘත කරයි

දිවයිනට බලපා ඇති අධික වැසි සහිත කාලගුණයත් සමඟ ජලාශ රැසක වාන් දොරටු මේ වන විට විවෘත කර ඇති බව වාර්තා වෙනවා.

රාජාංගනය ජලාශයේ වාන් දොරටු 32 න් 12 ක් ම මේ වනවිට විවෘත කර ඇති බවයි සඳහන් වෙන්නේ.

එමෙන්ම අංගමුව ජලාශයේ ද වාන් දොරටු දෙකම මේ වනවිට විවෘත කර පවතින අතර, මේ හේතුවෙන් මෙම ජලාශ පහළ ප්‍රදේශවල ජීවත්වන ජනතාවට ඒ සම්බන්ධයෙන් සැළකිලිමත්ව සිටින ලෙස දැනුම් දී තිබෙනවා.

ඉරණමඩු ජලාශයේ වාන් දොරටු 8 ක් තවමත් විවෘතව පවතින බව උතුර පළාත් වාරිමාර්ග දෙපාර්තමේන්තුවේ අධ්‍යක්ෂ ඉංජිනේරු එන්. සුදාකරන් සඳහන් කළා.

වවුනියාව – පාවක්කුලම ජලාශයේ ද වාන් දොරටු 4 ම විවෘත කර තිබෙනවා.

ජලාශය වාන් දැමීම හේතුවෙන් පහත් බිම්වල පදිංචි පවුල් 394 කට අයත් පුද්ගලයින් 1,234 කට පීඩා සිදුව ඇති බවද දිස්ත්‍රික් ආපදා කළමනාකරණ මධ්‍යස්ථානය ප්‍රකාශ කළා.