මෙරට ක්රියාත්මක ක්ෂුද්ර මූල්ය ආයතන නියාමනය කිරීමට නව පනතක් පාර්ලිමේන්තුවට ඉදිරිපත් කරන බව අධිකරණ, බන්ධනාගාර කටයුතු හා ආණ්ඩුක්රම ව්යවස්ථා ප්රතිසංස්කරණ අමාත්ය, ජනාධිපති නීතිඥ විජයදාස රාජපක්ෂ මහතා ප්රකාශ කරනවා.
ඇතැම් ක්ෂුද්ර මූල්ය ආයතන රටට පිළිකාවක් බවට පත්ව ඇති බවත්, එම ආයතන මහ බැංකුව තුළින් නොවන වෙනම ආයතනයක් පිහිටුවීම තුළින් නියාමනය කිරීමට අවශ්ය පියවර ගත යුතු බවත් අමාත්යවරයා පෙන්වා දී තිබෙනවා.
‘ස්ථාවර රටකට සැවොම එක මඟකට’ මැයෙන් ජනාධිපති මාධ්ය කේන්ද්රයේ පැවති ප්රවෘත්ති සාකච්ඡාවට එක්වෙමිනුයි අමාත්යවරයා මේ බව සඳහන් කරනු ලැබුවේ.

