COP28 සමුළුවට සමගාමීව ජනාධිපති රනිල් වික්රමසිංහ මහතා සහ ප්රංශ ජනාධිපති එමානුවෙල් මැක්රෝන් මහතා (Emmanuel Macron) අතර ද්විපාර්ශ්වික සාකච්ඡාවක් ද පවත්වා තිබෙනවා.
දෙරට අතර සමීප සබඳතා තවදුරටත් වර්ධනය කර ගැනීම සම්බන්ධයෙන් මෙහි දී සාකච්ඡා කර ඇති අතර ශ්රී ලංකාවේ හරිත ආර්ථික පරිවර්තනය පිළිබඳ ද විශේෂ අවධානය යොමු කර තිබෙනවා.
එසේම ඉන්දියානු සාගර කලාපීය වටද්දර රටවල සංගමය (IORA) සමග ප්රංශයේ සබඳතා ශක්තිමත් කිරීම කෙරෙහි ද නායකයන් සාකච්ඡා කළ බවයි වාර්තා වෙන්නේ.
දේශගුණික විපර්යාස පිළිබඳ ජාත්යන්තර විශ්වවිද්යාලය පිහිටුවීම සඳහා ශ්රී ලංකාව ගෙන ඇති පියවර පිළිබඳ මෙහිදී ජනාධිපති රනිල් වික්රමසිංහ මහතා ප්රංශ ජනාධිපති එමානුවෙල් මැක්රෝන් මහතා දැනුවත් කළ අතර එම කටයුතු සමඟ එක්වන ලෙසද ප්රංශ ජනාධිපතිවරයා වෙත ආරාධනාවක් ද සිදු කරනු ලැබුවා.

