ආබාධිත ජනතාව වෙනුවෙන් නව පනතක් ගෙන ඒමට කටයුතු කරන බව සමාජ සවිබලගැන්වීමේ අමාත්ය අනුප පස්කුවල් මහතා පවසනවා.
ආබාධිත පුරවැසියන් තවදුරටත් යැපුම් මානසිකත්වයෙන් පෙළිය යුතු පිරිසක් නොවිය යුතුය යන්න රජයේ ප්රතිපත්තිය බවත් ඔවුන් තවදුරටත් දෙවැනි පුරවැසියෙක් ලෙස සැලකිය යුතු නැති බවයි ඔහු පෙන්වා දෙන්නේ.
‘ස්ථාවර රටකට සැවොම එක මඟකට’ මැයෙන් ඊයේ ජනාධිපති මාධ්ය කේන්ද්රයේ පැවති ප්රවෘත්ති සාකච්ඡාවකට එක් වෙමින් අමාත්යවරයා මේ බව සඳහන් කළා.
එම පනත සකස් කර ලබන වසරේ මුල් කාර්තුවේ පාර්ලිමේන්තුවට ඉදිරිපත් කිරීමට නියමිතව තිබෙනවා.
එළඹෙන ජාත්යන්තර ආබාධිත දිනයේ දී අධිකරණ අමාත්ය විජේදාස රාජපක්ෂ මහතාගේ ප්රධානත්වයෙන් විශේෂ සමුළුවක් පැවැත්වීමට ද කටයුතු යොදා තිබෙන බවයි අමාත්යවරයා වැඩිදුරටත් පවසා සිටියේ.

