උසස් පෙළ පිළිතුරු පත්‍ර ඇගයීමේ තවත් අදියරයක් ලබන 19 වැනි දා සිට

අධ්‍යන පොදු සහතික පත්‍ර උසස් පෙළ විභාගයේ පිළිතුරු පත්‍ර ඇගයීමේ තවත් අදියරක් ලබන 19 වැනි දා ආරම්භ කරන බව විභාග කොමසාරිස් ජනරාල් අමිත් ජයසුන්දර මහතා සඳහන් කරනවා.

ඒ යටතේ ආර්ථික විද්‍යාව, කෘෂි විද්‍යාව, බෞද්ධ ශිෂ්ඨාචාරය ඇතුළු සිසුන් වැඩි පිරිසක් හදාරන විෂයන්වල පිළිතුරු පත්‍ර පරීක්ෂා කිරීමට සැලසුම් කර තිබෙනවා.

මේ වනවිට උසස් පෙළ විභාගයේ විෂයන් 02 ක පිළිතුරු පත්‍ර ඇගයීම් අවසන් කර ඇති අතර තවත් විෂයන් 06 පිළිතුරු පත්‍ර ඇගයීම මේ දිනවල සිදු කෙරෙන බවයි වාර්තා වෙන්නේ.

විද්‍යා විෂයන්ට අදාළ පිළිතුරු පත් ඇගයීම ද කඩිනමින් ආරම්භ කිරීමට සුදානම් වන බවයි ඔහු වැඩිදුරටත් සඳහන් කරන්නේ.