කොවිඩ් ආසාදනය වීමෙන් පෙනහළු ක්රියාකාරීත්වය අඩපණ වී කරාපිටිය ශික්ෂණ රෝහලේ දැඩි සත්කාර ඒකකයේ එක්මෝ යන්ත්රයට සවිකර විශේෂ ප්රතිකාර ලබමින් සිටි වෛද්ය ගයාන් දන්තනාරායන මහතා අද (2) උදෑසන මියගොස් තිබෙනවා.
නුගේගොඩ ලයිසියම් ජාත්යන්තර පාසලේ අධ්යාපනය ලබා චීනයේ ටියැන්ජින් වෛද්ය විද්යාලයෙන් වෛද්ය උපාධිය ලැබූ ඔහු රෝගාතුරවන විට රාගම ශික්ෂණ රෝහලේ සේවය කළා.
රාගම රෝහලේ සිට කොළඹ IDH රෝහලට ප්රතිකාර සඳහා යොමු කර තිබූ අතර දියවැඩියා රෝගයෙන් පීඩාවිඳිමින් සිටි ඔහුට කොරෝනා නිව්මෝනියා තත්ත්වය හේතුවෙන් පෙනහළු මගින් සිදුකරන වායු හුවමාරුවේ ගැටලුවක් ඇති වී තිබිණා.
ඔහු කරාපිටිය ශික්ෂණ රෝහලේ දැඩි සත්කාර ඒකකයට යොමුකරන ලද්දේ එවැනි රෝගියකුට ප්රතිකාර කිරීම සඳහා අත්යාවශ්ය වන එක්මෝ යන්ත්රයක් ඇති එකම රෝහල කරාපිටිය ශික්ෂණ රෝහල බැවින්.
මෙම වෛද්යවරයාගේ පවුලේ සාමාජික සාමාජිකාවන් කිහිප දෙනෙක් ද මේ වනවිට කොරෝනා ආසාදනය වී ප්රතිකර ලබමින් සිටිනවා.
මෙම වෛද්යවරයා ගම්පහ ප්රදේශයේ පදිංචිව සිටි අතර ඔහුගේ පියා ද වෛද්යවරයෙක් වනවා.
කොරෝනා ආසාදනය වීමෙන් ශ්රී ලංකාවේ දී වෛද්යවරයෙකු මියගිය ප්රථම අවස්ථාව මෙයයි.


