ශ්රී ලංකා නැගෙනහිර මුහුදු කළාපයේ සංගමන්කන්ද තුඩුවේ සිට නාවික සැතපුම් 38ක් දුර මුහුදේ යාත්රා කරමින් තිබූ නිව් ඩයමන්ඩ් (MT New Diamond) නැමති ඉන්ධන ප්රවාහන නෞකාවේ ප්රධාන යන්ත්ර කාමරයේ බොයිලේරුවක සිදුවූ පිපිරුමක් සමඟ ඇති වූ ගින්න මැඩපැවැත්වීම සඳහා මේ වන විට ශ්රී ලංකා නාවික හමුදාව, ශ්රී ලංකා ගුවන් හමුදාව, ශ්රී ලංකා වරාය අධිකාරිය, ඉන්දියානු නාවික හමුදාව සහ ඉන්දීය වෙරළ ආරක්ෂා බලකාය ඒකාබද්ධව කටයුතු කරමින් සිටී.
මෙම නෞකාවේ ඇති වූ ගින්නෙන් එහි ගබඩා කර ඇති මෙට්රික්ටෝන් 2,70,000ක් වූ බොරතෙල් සංචිතයට මේ වන තෙක් කිසිදු බලපෑමක් සිදු වී නොමැති අතර ගින්න එම බොරතෙල් සංචිත ගබඩාවන් වෙත පැතිරයාම වැළැක්වීම සඳහා අවශ්යය පියවර ගනිමින් සිටී.
එමෙන්ම මෙම ආපදා තත්වය හේතු කරගෙන එම නෞකාවෙන් මුහුදට තෙල් කාන්දු වීමේ කිසිදු අවදානමක් මේ වන තෙක් ඇති වී නොමැති අතර, තෙල් කාන්දු වීමේක් ඇති වුවහොත් ලොව විශාලතම තෙල් කාන්දුව සිදුවිය හැකි බවත් හානිය අවම කිරීමට හා එ මගින් ඇතිවිය හැකි තත්වයන් පාලනය කර ගැනීම සඳහා ශ්රී ලංකා නාවික හමුදාව, ශ්රී ලංකා වෙරළ ආරක්ෂක දෙපාර්තමේන්තුව, ශ්රී ලංකා වරාය අධිකාරිය, සමුද්රීය පරිසර ආරක්ෂක අධිකාරිය, ඇතුළු පාර්ශවකරුවන් මේ වන විට අවශ්ය පියවර ගැනීමට සූදානම්ව සිටී.

