උණ රෝගී තත්ත්වයක් නිසා ශ්‍රී පාද විද්‍යා පිඨය වසා දමයි

හැටන් ශ්‍රී පාද විද්‍යා පිඨය තුළ වෛරස් උණ රෝගයක් පැතිර යාමේ අවධානමක් හේතුවෙන් විද්‍යා පිඨය තාවකාලිකව වසා දැමීමට තිරණය කර ඇත.

කොටගල සෞඛ්‍ය වෛද්‍ය අධිකාරි කාර්යයාලයේ නිලධාරින් විසින් මෙලෙස දැනුම් දී ඇත.

ඒ අනුව පෙබරවාරී මස 5 වන දින තෙක් පීඨය වසා තබන ලෙස අද (30) දිනයේ දී පීඨාධිපතිනියට උපදෙස් දී තිබේ.

එම විද්‍යා පිඨයේ අධ්‍යාපනය ලබන ගුරු සිසු සිසුවියන් 75 කට ආසන්න පිරිසකට ඊයේ (29)දින සිට උණ රෝගය සහ ස්වසන අපහසුතා ඇති විම නිසා කොටගල ප්‍රාදේශිය රෝහලෙන් ප්‍රතිකාර ලබා පිටව ගොස් ඇත.

අද දිනයේ දීත් සියයකට ආසන්න පිරිසක් ප්‍රතිකාර ලැබීමට පැමිණි බව කොටගල රජයේ ප්‍රාදේශීය රෝහලේ වෛද්‍ය නිලධාරී ගනේෂන් මහතා පැවසීය.

එම පිරිස අතරින් පීසක් කොටගල රෝහලේ නේවාසිකව ප්‍රතිකාර ලබන අතර, අනෙකුත් පිරිස දික්ඔය රජයේ දිස්ත්‍රික් මුලික රෝහල වෙත යොමු කිරිමටද පියවර ගෙන ඇත.

මහජන සෞඛ්‍ය නිලධාරින් විසින් අද දිනයේ දී එම විද්‍යාපීඨයේ නේවාසික ස්ථාන පරික්ෂා කීමටත් විෂබීජ නාශක ඉසමින් ජිවානුහරණය කිරිමට පියවර ගන්නා බවත් පැවසීය.