මහනුවරින් පළමුවරට දෛනික ආසාදිතයින් 100 ඉක්මවයි

බස්නාහිර පළාතෙන් කොවිඩ් දෙවන රැල්ල ආරම්භයත් සමඟ මේ දක්වා වාර්තා වී ඇති සමස්ත ආසාදිතයින් සංඛ්‍යාව 45,974ක් වේ.

මේ අතර, දිනක් තුළ මෙරටින් වාර්තා වූ වැඩිම කොවිඩ් ආසාදිතයින් ගණන ඊයේ (09) වාර්තා වු අතර ඒ 976ක් ලෙසය.

මීට පෙර වැඩිම ආසාදිතයින් මෙරටින් වාර්තා වුණේ පසුගිය ජනවාරි 28 වැනිදා වන අතර එම ගණන 892කි.

ඊයේ වැඩිම ආසාදිතයින් වාර්තා වුණේ කොළඹ දිස්ත්‍රික්කයෙන් වන අතර එම ගණන 252කි.

මීට අමතරව ගම්පහ දිස්ත්‍රික්කයෙන් 227ක්, මහනුවර දිස්ත්‍රික්කයෙන් ආසාදිතයින් 150 ක්, රත්නපුර දිස්ත්‍රික්කයෙන් ආසාදිතයින් 49ක්, බදුල්ල දිස්ත්‍රික්කයෙන් ආසාදිතයින් 38ක්, ගාල්ල දිස්ත්‍රික්කයෙන් ආසාදිතයින් 27ක්, මාතලේ දිස්ත්‍රික්කයෙන් ආසාදිතයින් 21ක්, අම්පාර දිස්ත්‍රික්කයෙන් ආසාදිතයින් 17ක්, කිළිනොච්චිය දිස්ත්‍රික්කයෙන් ආසාදිතයින් 11ක් ලෙස ආසාදිතයින් වාර්තා වී තිබේ.