නායයෑම් අනතුරු ඇඟවීමේ නිවේදන දීර්ඝ කරයි

ප්‍රදේශ කිහිපයක පවතින වැසි තත්ත්වයත් සමග නායයෑම් පූර්ව අනතුරු ඇඟවීමේ නිවේදනය යාවත්කාලීන කිරීමට ජාතික ගොඩනැගිලි පර්යේෂණ සංවිධානය පියවර ගෙන තිබෙනවා.

මෙම අනතුරු ඇඟවීමේ නිවේදනය අද (15) පෙරවරු 6.00 සිට හෙට පෙරවරු 6.00 දක්වා ක්‍රියාත්මකයි.

ඒ අනුව නුවරඑළිය දිස්ත්‍රික්කයේ නිල්දණ්ඩාහින්න සහ වලපනේ යන ප්‍රාදේශීය ලේකම් කොට්ඨාස සඳහා අදියර 2 යටතේ අවධානයෙන් සිටින ලෙස දන්වා තිබේ.

මාතලේ දිස්ත්‍රික්කයේ විල්ගමුව ප්‍රාදේශීය ලේකම් කොට්ඨාසය සඳහා අදියර 1 යටතේ විමසිලිමත් වන ලෙස දන්වමින්ද අනතුරු ඇඟවීමේ නිවේදනයක් නිකුත් කර ඇත.