ඉන්දියාවේ සිට මෙරටට වැඩම කරවන ලද සර්වඥ ධාතූන් වහන්සේ සියැසින් දැක වැදපුදා ගැනීමේ අවස්ථාව අද (05) සිට මෙරට සැදැහැවත් ජනතාවට හිමි වනවා.
ඒ අනුව සර්වඥ ධාතූන් වහන්සේ අද (05) අලුයම 6.00 සිට ලබන 11 වන දින පෙරවරු 7.00 දක්වා හුනුපිටිය ගංගාරාම විහාරස්ථානයේ දී වැද පුදා ගැනීමට සැදැහැවත් ජනතාවට අවස්ථාව හිමිවනු ඇත.
ඉන්දියාවේ ගුජරාට් ප්රාන්තයේ අරවල්ලි දිස්ත්රික්කයේ පිහිටි ඓතිහාසික දෙව්නි මෝරි පුරාවිද්යාත්මක ස්ථානයේ 60 දශකයේදී සිදුකරන ලද පුරාවිද්යාත්මක කැණීමකින් මෙම ධාතූන් වහන්සේ සොයාගෙන තිබෙනවා.
බරෝදා කෞතුකාගාරයේ ඉතා සුරක්ෂිතව තැන්පත් කර තිබූ ඒම සර්වඥධාතුන් වහන්සේ ඉන්දියාවෙන් පිටත ප්රදර්ශනය කරනු ලබන පළමු අවස්ථාව මෙය වීම විශේෂත්වයක්.
ඉන්දීය අග්රාමාත්ය නරේන්ද්ර මෝදි මහතාගේ ශ්රී ලංකා සංචාරයේදී ජනාධිපති අනුර කුමාර දිසානායක මහතා සමඟ පැවැත් වූ සාකච්ඡාවක ප්රතිඵලයක් ලෙස ඉන්දීය අග්රාමාත්යවරයාගේ මැදිහත්වීමෙන් ධාතූන් වහන්සේ මෙරටට වැඩම කරවීම සිදුව තිබේ.

