පසුගිය නොවැම්බර් මාසය අගභාගයේ දී ශ්රී ලංකාවට බලපෑ ‘දිට්වා’ සුළි කුණාටුව හේතුවෙන් මෙරට ගොඩනැගිලි හා ඒවායේ අන්තර්ගතයන්, කෘෂිකර්මාන්තය හා තීරණාත්මක යටිතලපහසුකම්වලට සිදුකර ඇති භෞතික හානිය අමෙරිකානු ඩොලර් බිලියන 4.1ක් බවට ඇස්තමේන්තු කර ඇති බව ලෝක බැංකුව පවසනවා.
ලෝක බැංකු සමූහය විසින් ප්රකාශයට පත් කරන ලද Global Rapid Post-Disaster Damage Estimation (GRADE) වාර්තාවෙහි මේ බව සඳහන් කර තිබෙනවා.
මෙය ශ්රී ලංකාවේ දළ ජාතික නිෂ්පාදිතයෙන් 4%ක ප්රමාණයකට සමාන වනු ඇති බවයි එහි දක්වා ඇත්තේ.
මෙම වාර්තාවට අනුව වැඩිම හානිය මධ්යම පළාතෙන් වාර්තා වන අතර එය ඩොලර් මිලියන 689ක් ලෙසින් ඇස්තමේන්තු කර ඇත.
එසේම මාර්ග, පාලම්, දුම්රිය මාර්ග හා ජල සම්පාදන පද්ධති ඇතුළු යටිතල පහසුකම්වලට වූ හානිය ඩොලර් බිලියන 1.735ක් ලෙසින් ගණනය කර ඇති අතර එය සමස්ත හානියෙන් 42%ක ප්රමාණයකි.
නේවාසික ගොඩනැගිලිවලට මෙම දිට්වා ව්යසනයෙන් සිදුව ඇති හානිය ඩොලර් මිලියන 985ක් ලෙසයි එම වාර්තාවේ දැක්වෙන්නේ.
මේ අතර වී, එළවළු, වෙනත් වාණිජ භෝග, පශුසම්පත් හා වෙනත් යටිතල පහසුකම් ඇතුළුව කෘෂිකර්මාන්ත ක්ෂේත්රයට සිදුවී ඇති හානිය ඩොලර් මිලියන 814ක් ලෙසින් වාර්තා වේ.
එසේම රෝහල්, පාසැල්, ව්යාපාරික ස්ථාන, මහාපරිමාණ කර්මාන්තශාලා ආදිය ඇතුළු නේවාසික නොවන ගොඩනැගිලිවලට සිදුව ඇති හානිය ඩොලර් මිලියන 562 ක් ලෙසින් ගණන් බලා ඇත.
එම සම්පූර්ණ වාර්තාව මෙතනින්

