සුනාමි පෙර සූදානමක් දිවයිනම ආවරණය වන පරිදි පැවැත්වීමට නොවැම්බර් 05 වනදා සැලසුම් කර තිබෙනවා.
ආපදා කළමනාකරණ මධ්යස්ථානයේ අධ්යක්ෂ ජනරාල් විශ්රාමික මේජර් ජෙනරාල් සම්පත් කොටුවේගොඩ මහතා සඳහන් කළේ පසුගිය මාසයක් ඇතුළත කාලය පුරාවට සුළු භූකම්පන කිහිපයක් සුමාත්රා දූපත ආශ්රිතව හටගැනීම හේතුවෙන් මෙම වැඩසටහන පැවැත්වීමට සැලසුම් කර තිබෙනවා.
ඒ බව පැවසුවේ සුනාමි පෙර සූදානම පිළිබඳව ත්රිවිධ හමුදා පොලීසිය, රාජ්ය ආයතන සහ රාජ්ය නොවන ආයතනවල නිලධාරීන් සමඟ පෙරසූදානම පිළිබඳව පැවැත්වූ සාකච්ඡාවකට එක්වෙමින්ය.
05 වනදා පැවැත්වීමට නියමිත සුනාමි පෙර සූදානම් පෙරහුරුව ඉන්දියානු සාගර කලාපයේ සුනාමි අනතුරු ඇඟවීමේ ක්රමවේදය අයත් රටවල් 28 සම්බන්ධ කලාපීය ආයතනයක් මගින් සංවිධානය කරනු ලබනවා.
සුනාමියකට සූදානම් රටක් ලෙස ලංකාව සූදානම් කිරීමට කළුතර, මාතර, යාපනය සහ මඩකලපුව යන දිස්ත්රික්ක 04 ප්රධාන කරගෙන අනෙකුත් දිස්ත්රික්කද ආවරණය වන පරිදි මෙම පෙරහුරුව පවත්වීමටයි සැලසුම් කර ඇත්තේ.
සුමාත්රා දූපත ආශ්රිතව රික්ටර් මාපකයෙන් 6.5කට වඩා වැඩි අගයකින් භූ කම්පනයක් වාර්තාවූ විට දිවයිනට සුනාමි තත්ත්වයක් ඇතිවීමේ අවදානමක් ඇති බවත් ඒ සඳහා පෙර සූදානම අත්යාවශ්ය බවත් ආපදා කළමනාකරණ මධ්යස්ථානයේ අධ්යක්ෂ ජනරාල් විශ්රාමික මේජර් ජෙනරාල් සම්පත් කොටුවේගොඩ මහතා පැවසීය.

