ලංකා ලුණු සමාගම විසින් අයඩින් මිශ්ර ලක් ලුණු මිල ගණන් පහළ දමා තිබෙනවා.
එහි සභාපති අද (20) පැවති මාධ්ය හමුවකට එක්වෙමින් මේ බව සඳහන් කළා.
අයඩින් මිශ්ර ග්රෑම් 400 ලුණු කුඩු පැකට්ටුවක් රු 20කින් මිල පහළ දමා ඇති අතර, කිලෝග්රෑම් 1 ලුණු කුඩු පැකට්ටුවක මිල රුපියල් 30කින් පහළ දමා තිබේ.
ඒ අනුව ග්රෑම් 400 ලුණු කුඩු පැකට්ටුවක් රු 100ක මිලකට ද කිලෝග්රෑම් 1 ලුණු කුඩු පැකට්ටුවක් රුපියල් 200 මිලකට සහ කිලෝග්රෑම් 1 කැට ලුණු පැකට්ටුවක් රුපියල් 150ක වැනි මිලකට ලබන සතියේ සිට ලබා ගත හැකි වනවා.
එසේම සතොසෙන් සංස්ථා ලුණු කුඩු ග්රෑම් 400 පැකට්ටුවක් රු 90ක වැනි මිලකට ලබාගත හැකි බව ද සභාපතිවරයා වැඩිදුරටත් කියා සිටියේය.
හම්බන්තොට මහලේවායේ, බුන්දල ලේවායේ සහ පලටුපාන ලේවායේ ලුණු අස්වනු නෙළීම මේ වනවිට ආරම්භ කර ඇති බැවින් ජනාතාවට සහනයක් සැලසීමේ අරමුණින් මෙලෙස මිල ගණන් පහළ දැමූ බවයි වැඩිදුර අදහස් දක්වමින් සභාපතිවරයා සඳහන් කළේ.

