ශ්රී ජයවර්ධනපුර විශ්වවිද්යාලයේ බාහිර උපාධි හා විස්තාරිත පාඨමාලා ඒකකයේ අධ්යයන කටයුතු තාවකාලිකව අත්හිටුවා තිබෙනවා.
එම ඒකකය විසින් පවත්වනු ලබන බාහිර උපාධි පාඨමාලා සම්මන්ත්රණ සහ ලියාපදිංචි කටයුතු පසුගිය 24වනදා දින සිට අත්හිටුවා ඇති බව සඳහන් .
මේ සම්බන්ධයෙන් අදහස් දක්වමින් එම විශ්වවිද්යාලයේ කථිකාචාර්ය පූජ්ය දඹර අමිල හිමියෝ පවසා සිටියේ, පවතින ගැටලු කඩිනමින් නිරාකරණය කර ගැනීමෙන් අනතුරුව අධ්යයන කටයුතු යළි ආරම්භ කිරීමට බලාපොරොත්තු වන බවයි.
එසේම එම ගැටළු වලට රජය සහ විශ්වවිද්යාල ප්රතිපාදන කොමිෂන් සභාව මැදිහත් වී ගැටළුවලට විසදුම් ලබාදිය යුතු බවයි උන් වහන්සේ මාධ්ය වෙත අදහස් දක්වමින් ප්රකාශ කළේ.
ශ්රී ජයවර්ධනපුර විශ්වවිද්යාලයේ බාහිර පාඨමාලා අධ්යයන අංශයේ මූල්ය පාඨමාලා අධ්යයන අංශයේ මූල්ය අක්රමිකතා රැසක් පිලිබදව, විශ්වවිද්යාලයීය පාලනාධිකාරිය පොදු ව්යාපාර කාරක සභාව හෙවත් කෝප් කමිටුව හමුවට කැඳවූ අවස්ථාවේ දී අනාවරණය වී තිබුණි.
එහිදී වැඩබලන විගණකාධිපති ජී.එච්.ඩී ධර්මපාල මහතා පැවසුවේ, බාහිර පාඨමාලා අධ්යයන අංශයේ සිදුව ඇති අක්රමිකතා හේතුවෙන් සියලු වැයබර දැරීමට සිදුව ඇත්තේ සිසුන්ට බවය.

