ජාත්යන්තර මූල්ය අරමුදලේ (IMF) පළමු නියෝජ්ය කළමනාකාර අධ්යක්ෂිකා ආචාර්ය ගීතා ගෝපිනාත් මහත්මිය අද (15) දෙදින නිල සංචාරයක් සඳහා දිවයිනට පැමිණීමට නියමිතයි.
සිය සංචාරය තුළ දී, මුදල් අමාත්යාංශය, ශ්රී ලංකා මහ බැංකුව සහ ජාත්යන්තර මූල්ය අරමුදල එක්ව සංවිධාන කරන, “ශ්රී ලංකාවේ ආර්ථිකය යථා තත්ත්වයට පත් කිරීම:ණය සහ පාලනය” මැයෙන් 2025 ජූනි මස 16 වැනිදා පැවැත්වීමට නියමිත සමුළුවේ විශේෂ ආරාධිතයෙකු ලෙස ආචාර්ය ගෝපිනාත් මහත්මිය සහභාගී වනු ඇත.
ජාත්යන්තර මූල්ය අරමුදලේ සහායෙන් ක්රියාත්මක වන ප්රතිසංස්කරණ වැඩසටහනේ පළමු අර්ධය අවසන් වී ඇති මෙම අවස්ථාවේ දී පැවැත්වෙන මෙම සමුළුවේ දී සාර්ව ආර්ථික ස්ථායීතාව ළඟා කර ගැනීම, ණය ප්රතිව්යුහගතකරණය සහ පාලනය සම්බන්ධයෙන් ශ්රී ලංකාව ලද අත්දැකීම් සහ ඉදිරි අභියෝග පිළිබඳ ව සාකච්ඡා කිරීමට නියමිතය.
එසේම මෙම සංචාරයේ දී, ශ්රී ලංකාව සමග ජාත්යන්තර මූල්ය අරමුදලේ පවතින සබඳතා පිළිබඳව ශ්රී ලංකා බලධාරීන් සමග ද්විපාර්ශ්වික සාකච්ඡා පැවැත්වීමට සහ අනෙකුත් ප්රධාන කොටස්කරුවන් සමග සාකච්ඡා පැවැත්වීමට ද ගොපිනාත් මහත්මිය සැලසුම් කර තිබෙනවා.
2005 වසරෙන් පසු, ජාත්යන්තර මූල්ය අරමුදලේ සේවය කරන පළමු නියෝජ්ය කළමනාකාර අධ්යක්ෂකවරයෙකු ලංකාවේ සංචාරය කරන පළමු අවස්ථාව මෙය වීම විශේෂත්වයක්.

