තද සුළං සහ රළු මුහුද පිළිබඳව අනතුරු ඇඟවීමේ රතු නිවේදනයක් කාලගුණවිද්යා දෙපාර්තමේන්තුව විසින් නිකුත් කර තිබෙනවා.
හලවත සිට පුත්තලම සහ මන්නාරම හරහා කන්කසන්තුරය දක්වා සහ ගාල්ල සිට හම්බන්තොට හරහා පොතුවිල් දක්වා වෙරළට ඔබ්බෙන් වන මුහුදු ප්රදේශ සඳහා මෙම නිවේදනය බලපැවැත්වේ.
අද (13) සවස 2.30ට නිකුත් කර ඇති මෙම රතු නිවේදනය හෙට (14) 2.30 දක්වා වලංගු වන බවයි දෙපාර්තමේන්තුව සඳහන් කරන්නේ.
ඉහත සඳහන් කළ ප්රදේශවල ජනතාවට සැලකිලිමත් වන ලෙසත් එම ප්රදේශවලට ඔබ්බෙන් වන මුහුදු ප්රදේශවල සුළංගේ වේගය විටින් විට පැ.කි.මී 60 -70 පමණ දක්වා වැඩි වන අතර, මුහුදු ප්රදේශ විටින් විට ඉතා රළු විය හැක.
මේ අතර ඉහත මුහුදු ප්රදේශවලට නැවත දැනුම්දෙන තුරු යාත්රා නොකරන ලෙස නාවික සහ ධීවර ප්රජාවන්ට දැනුම්දී ඇත.

