පාස්කු ඉරිදා ත්රස්ත ප්රහාරය සඳහා ආධාර අනුබල දුන්නේ යැයි අත්අඩංගුවට ගෙන පසුව ඇපමත මුදාහැර සිටි සැකකරුවන් දහ දෙනකු සහ සැකකාරියන් දෙදෙනෙකු මුදාහරින ලෙස කොළඹ මහේස්ත්රාත් අධිකරණය ඊයේ (16) නියෝග අකර තිබෙනවා.
මෙම සැකකරුවන් සම්බන්ධයෙන් විමර්ශන සිදුකළ ත්රස්ත විමර්ශන කාර්යාංශය ඔවුන්ට අදාළ විමර්ශන අවසන් කර උදෘත නීතිපතිවරයා වෙත ඉදිරිපත් කර තිබුණා.
නීතිපතිවරයාගෙන් ලැබුණු උපදෙස් අනුව මෙම පැමිණිල්ල අවසන් කිරීමට කටයුතු කරන බව පොලිසිය අධිකරණයට දන්වා සිටියා.
ඒ අනුව අදාළ සැකකරුවන් මුදා හරින ලෙස කොළඹ අතිරේක මහේස්ත්රාත් පසන් අමරසේන නියෝග කළා.
සැකකරුවන් වෙනුවෙන් පෙනී සිටි නීතිඥවරයා මෙම සැකකරුවන් අත්අඩංගුවට ගැනීමේදී ඔවුන් භාරයේ තිබී පොලිසිය භාරයට ගන්නා ලද ජංගම දුරකථන ඇතුළු නඩු භාණ්ඩ ඔවුන් වෙත මුදාහැරීමේ නියෝගයක් නිකුත් කරන ලෙස ද අධිකරණයෙන් ඉල්ලා සිටියා.
ඒ අනුව අදාල භාණ්ඩ සැකකරුවන් වෙත මුදාහරින ලෙසත් මහේස්ත්රාත්වරයා නියෝග කරනු ලැබුවා.

