අමෙරිකානු ජනාධිපති ඩොනල්ඩ් ට්රම්ප් විසින් ශ්රී ලංකාවෙන් ආනයනය කරන භාණ්ඩ සඳහා 44% ක තීරු බද්දක් පැනවීමට තීරණය කර තිබෙනවා.
මෙම බදු පැනවීම අමෙරිකානු ජනාධිපතිවරයා විසින් ඊයේ (02) ප්රකාශයට පත්කර ඇති අතර අනිද්දා (05) දිනයේ සිට එම බදු පැනවීම ක්රියාත්මක වනවා.
අමෙරිකානු ජනාධිපති ඩොනල්ඩ් ට්රම්ප් විසින් රටවල් කිහිපයකට අනෝන්ය තීරුබදු පැනවීම ඊයේ දිනයේ සජීව ප්රකාශයට පත්කර තිබේ.
එහිදි ලොව පුරා රටවල් 60කට වැඩි ප්රමාණයක් සඳහා නව තීරු බදු ලැයිස්තුවක් එළිදක්වනු ලැබුවා.
මෙම නව බදු පැනවීමේ අරමුණ අමෙරිකාවේ වෙළෙඳ අසමතුලිතතාවය පාලනය කිරීම සහ අමෙරිකානු කර්මාන්ත ධෛර්යමත් කිරීම බවයි අමෙරිකානු ජනාධිපතිවරයා මෙහි දී සඳහන් කළේ.
මෙම නව බදු ප්රතිපත්තියට අනුව සියලුම ආනයන සඳහා සියයට 10ක තීරු බද්දක් ඇතුළත් වන අතර අමෙරිකා එක්සත් ජනපදය සමග වෙළෙඳ අතිරික්තයක් පවත්වාගෙන යන රටවල් සඳහා ඉහළ තීරු බද්දක් ප්රකාශයට පත්කර තිබේ.

