වැඩතහනම්ව සිට හෝ සේවය අතහැර ගොස් සිට නැවත සක්රීය සේවයට එක්වීමට නියමිත නිලධරයන්, මත්ද්රව්ය භාවිත කර ඇති බව අනාවරණය කර ගැනීමට වෛද්ය පරීක්ෂණයකට පෙනී සිටීම අනිවාර්ය කර තිබෙනවා.
ඒ අනුව එම පොලිස් නිලධරයින් සේවයේ පිහිටුවීමට හෝ නැවත සක්රීය සේවයට එක් කිරීමට පෙර පොලිස් රෝහලේදී මත්ද්රව්ය භාවිතය සම්බන්ධයෙන් අනාවරණය කර ගැනීමට අදාළ පරීක්ෂණයකට පෙනී සිටිය යුතු බවට වැඩබලන පොලිස්පතිවරයා විසින් දිවයිනේ සියලුම ජ්යෙෂ්ඨ නිලධාරීන් ඇතුළු ස්ථානාධිපතිවරුන් වෙත දැනුම් දී තිබෙනවා.
කිසියම් නිලධරයෙක් මත්ද්රව්ය භාවිතා කර ඇති බවට වෛද්ය වාර්තාවෙන් අනාවරණය වන්නේ නම් එම නිලධාරියා වෙත නැවත සේවය පිහිටුවීම හෝ නැවත සක්රීය සේවයට එක්වීමට අවස්ථාව ලබා නොදෙන බවයි පොලිස් මාධ්ය කොට්ඨාසය විශේෂ නිවේදනයක් නිකුත් කරමින් සඳහන් කර ඇත්තේ.

